लाईव्ह महाराष्ट्र न्यूज : जळगाव शहरातील छत्रपती शिवाजी महाराज क्रीडा संकुल कॉम्प्लेक्सच्या आवारात हातात तीक्ष्ण हत्यार घेवून विद्यार्थ्यांना धमकावून दहशत निर्माण करत पैसे मागणाऱ्या तरूणाला गुरूवारी सकाळी पोलीसांनी ताब्यात घेतले आहे.
याबाबत माहिती अशी की, जळगाव शहरातील असलेल्या छत्रपती शिवाजी महाराज क्रीडा संकुल कॉम्प्लेक्स परिसरात गुरूवारी ६ जानेवारी रोजी सकाळी ११.३० वाजेच्या सुमारास कृष्णा सुभाष ठाकूर (वय-२४,रा.वाल्मिक नगर जळगाव) हा नशेत असतांना हातात तिक्ष्ण हत्यार घेवून जाणाऱ्या व येणाऱ्या नागरीक व विद्यार्थी, विद्यार्थींनींना पैसे मागवून धमकावत होता. यावेळी काहीनी त्याला हुलकावून लावले असता त्यांच्यापाठीमागे लागून त्यांना तिक्ष्ण हत्याराचा धाक दाखत होता. यावेळी काही नागरीकांनी जिल्हापेठ पोलीस ठाण्याशी संपर्क साधून माहिती देण्यात आली. घटनेची माहिती मिळाल्यानंतर जिल्हापेठ पोलीस ठाण्याचे पोलीस कर्मचारी हे क्रीडा संकुलाजवळ येवून तरूणाला ताब्यात घेवून जिल्हापेठ पोलीस ठाण्यात नेण्यात आले.
