मुंबई : वृत्तसंस्था
गेल्या काही दिवसापासून महाविकास आघाडीच्या रावेर मतदार संघासाठी अनेक उमेदवारांची नावे चर्चेत असतांना आज शरद पवार गटातर्फे या मतदार संघासाठी ज्येष्ठ उद्योजक श्रीराम पाटील यांना उमेदवारी जाहीर केली आहे.
राष्ट्रवादी काँग्रेस शरदचंद्र पवार पक्षाकडून उमेदवारांची तिसरी यादी जाहीर झाली आहे. यात सातारा, आणि रावेर या 2 जागांवर उमेदवारी जाहीर करण्यात आली आहे. सातारा – शशिकांत शिंदे, रावेर – श्रीराम पाटील यांना संधी देण्यात आली आहे.
सातारा लोकसभा जागेवर प्रकृतीच्या कारणास्तव विद्यमान खा. श्रीनिवास पाटील यांनी निवडणूक लढण्यास असमर्थता दर्शवली आहे. त्यामुळे या जागेवरून उमेदवारीचा पेच निर्माण झाला होता. यानंतर आमदार शशिकांत शिंदे यांना उमेदवारी देण्यात आली आहे. भाजपकडून साताऱ्यात अद्याप उमेदवाराची घोषणा कऱण्यात आलेली नाही.
