वरणगाव : प्रतिनिधी
पिंपळगाव बुद्रूक येथील एका वाड्यामध्ये रविवारी सायंकाळी पत्ता जुगार खेळताना आठ जण आढळले. या सर्वांवर वरणगाव पोलिसात गुन्हा दाखल करण्यात आला आहे.
सविस्तर वृत्त असे कि, पीएसआय गणेश देशमुख, पो.कॉ. प्रमोद कंखरे, प्रशांत ठाकूर, विजय बावस्कर यांचे पथक गस्त घालत असताना, त्यांना काही जण जुगार खेळताना आढळले. आरोपींमध्ये सुपड्डू बावस्कर (४१), समाधान चव्हाण (४५), प्रकाश बावस्कर (४०), गोकुळ (४५), विनोद चव्हाण (४५), शुभम तळेले (३२), अर्जुन बेंडाळे (४५), ज्ञानदेव मावळे (६०), सुरेश सुरवाडे (३०) यांचा समावेश आहे. यावेळी आरोपींकडून ७८३० रुपये व जुगाराचे साहित्य जप्त करण्यात आले. याबाबतची फिर्याद पो.हे.कॉ. प्रशांत ठाकूर यांनी दिल्यावरुन वरणगाव पोलिसात गुन्हा दाखल करण्यात आला आहे. तपास एपीआय भरत चौधरी यांच्या मार्गदर्शनाखाली पीएसआय गणेश देशमुख हे करीत आहेत.
