जळगाव : प्रतिनिधी
कोयता घेऊन दहशत पसरवत असलेल्या गजानन उर्फ गणेश रवींद्र चौधरी (वय १९, रा. शनिपेठ) याला शहर पोलिसांनी अटक केली. त्याच्याकडून कोयता जप्त करण्यात आला. ही कारवाई शनिवार दि. ३० मार्च रोजी पहाटे रेल्वे स्थानक परिसरात करण्यात आली.
मिळालेल्या माहितीनुसार, शहर पोलिस ठाण्याचे पथक फरार आरोपींचा शोध घेत असताना रेल्वे स्थानक परिसरात एक जण कोयता घेऊन दहशत पसरवत असल्याची माहिती पथकाला मिळाली. त्या वेळी पथकाने तेथे जाऊन गजानन चौधरी याला अटक केले. त्याच्या जवळ आढळून आलेला कोयता पोलिसांनी जप्त केला. या प्रकरणी पोकॉ तेजस मराठे यांनी शहर पोलिस ठाण्यात फिर्याद दिली. त्यावरून चौधरीविरुद्ध गुन्हा दाखल करण्यात आला आहे. पुढील तपास सहाय्यक फौजदार सुनील पाटील करीत आहेत.
