रावेर : प्रतिनिधी
शहरातील बारीवाड्यालगत उघड्यावर अवैधरीत्या २० किलो मांस विक्री करताना शेख इमरान शेख लूकमान (वय २०, रा. सिद्धार्थ नगर, रावेर) यास रावेर पोलिसांनी शुक्रवारी पकडले. त्याच्याजवळून पाच हजारांचा मुद्देमाल जप्त केला आहे. याचबरोबर गोमांस पुरवठा करणाऱ्यासही अटक केली आहे.
मिळालेल्या माहितीनुसार, रावेर पोलिस ठाण्याचे सहायक पोलिस निरीक्षक गणेश धुमाळ व त्यांच्या गुन्हे प्रकटीकरण शाखेच्या पथकाने आकस्मिक धाड टाकून ही कारवाई केली. या आरोपीसह त्याने हे मांस खरेदी करून आणलेल्या रसलपूर येथील आरोपीलाही पकडले. त्याच्याकडील अवैध मांस, सुरा, लाकडी गुद्दा, तराजू, वजनमापे असा पाच हजार १०० रुपयांचा मुद्देमाल जप्त करण्यात आला आहे. पशुधन विकास अधिकारी डॉ. रणजित पाटील यांनी ‘ते’मांस असल्याची खातरजमा केल्यावर रावेर पोलिसांत गुन्हा दाखल केला आहे. आरोपीने तालुक्यातील रसलपूर येथील शेख नवाब शेख इसाक (कुरेशी) याच्याकडून विक्रीसाठी मांस आणल्याची कबुली दिल्याने शेख नवाब शेख इसाक यासही अटक करण्यात आली आहे.
