पारोळा : प्रतिनिधी
किसान महाविद्यालयासमोर लावण्यात आलेल्या डंपरला दुचाकी चालकाने मागून धडक दिली. या अपघातात दुचाकी चालक पृथ्वीराज पाटील (वय ५५) रा. पळासखेडा सीम यांचा मृत्यू झाला. तर त्यांच्या पत्नी योजनाबाई पृथ्वीराज पाटील या जखमी झाल्या आहेत.
मिळालेल्या माहितीनुसार, महाविद्यालयासमोर महामार्गावर डंपर उभा करण्यात आला होता. त्यामुळे हा अपघात झाल्याचे सांगितले जात आहे. पाटील हे बाजारासाठी पारोळा येथे येत होते. त्यात हा अपघात झाला. अपघातात पृथ्वीराज पाटील हे गंभीर जखमी झाले होते. त्यांना कुटीर रुग्णालयात दाखल केले. त्यावेळी वैद्यकीय अधिकाऱ्यांनी त्यांना तपासून मयत घोषित केले. या प्रकरणी अज्ञात डंपर चालकाविरोधात गुन्हा दाखल करण्यात आला आहे.
