रावेर : प्रतिनिधी
उटखेडा शिवारात नकट्या नाल्याच्या काठावर सुरू असलेल्या जुगार अड्ड्यावर पोलिसांनी धाड टाकली. त्यात ९ आरोपींना पोलिसांनी ताब्यात घेतले. त्यांच्याकडून १५ हजार रुपये रोख, सात दुचाकी, काही मोबाइल फोन जप्त करण्यात आले आहे. रविवारी दुपारी ही कारवाई केली. याप्रकरणी रावेर पोलिसात गुन्हा दाखल करण्यात आला आहे.
मिळालेल्या माहितीनुसार, यात आरोपी राहुल उत्तम भालेराव (२५) मुकेश धना भालेराव, (३२ दोन्ही रा. कुसुंबा खुर्द ता. रावेर मोसीन हुसेन तडवी (२७, रा. रावेर) कलीम रज्जाक खाटीक (४२) फिरोज रमजान तडवी (४०), विकास रमेश पवार (३०), सुलेमान आमद तडवी (३७), कादर रुबाब तडवी (३३), पाचही रा. लोहारा ता. रावेर व काशीनाथ तापीराम धनगर (३७, सावखेडा ता. रावेर) यांना पोलिसांनी ताब्यात घेतले. ही कारवाई फौजदार जगदीश तांबे यांच्यासह पोकों विशाल पाटील, पोकों प्रमोद पाटील, पोना समाधान ठाकूर, पोकों अमोल जाधव, पोकॉ महेश मोगरे, पोकॉ. राहुल परदेशी यांनी केली.
