यावल : प्रतिनिधी
शहरातून टाकरखेडाकडे जाणाऱ्या रस्त्यावरील एका वळणावर अज्ञात वाहनाने दुचाकीला धडक दिली. या अपघातात तीन जण गंभीर जखमी झाले. हा अपघात बुधवारी सायंकाळी झाला.
मिळालेल्या माहितीनुसार, यावल टाकरखेडा रस्त्यावरून दुचाकीवरून मुकुंदा गंगाराम सोनवणे (वय ३२), नितीन हिरालाल तायडे (वय ३३) व शरद सोपान कोळी (वय ३३, तिघे रा. भालशिव ता. यावल) हे जात होते. दरम्यान टाकरखेडा गावाजवळील वळणावर एका अज्ञात वाहनाने त्यांच्या दुचाकीला धडक दिली. या अपघातात तिघे गंभीर जखमी झाले.
जखमींना तातडीने यावल ग्रामीण रुग्णालयात आणण्यात आले. यावल ग्रामीण रुग्णालयात वैद्यकीय अधिकारी डॉ. प्रशांत जावळे, परिचारिका मंजूषा कोळेकर, कादर तडवी आदींनी त्यांच्यावर प्रथमोपचार केले. तिघांची प्रकृती गंभीर असल्याने त्यांना तातडीने पुढील उपचाराकरिता जळगाव जिल्हा शासकीय वैद्यकीय महाविद्यालयाच्या रुग्णालयात हलवण्यात आले. याप्रकरणी यावल पोलिसांत बुधवारी रात्री उशिरापर्यंत तकार नोंदवण्याचे काम सरू होते
