लाईव्ह महाराष्ट्र न्यूज : यावल तालुका पोलीस संघटनेची नुकतीच वार्षीक सर्वसाधारण सभा आयोजित करण्यात आली होती. यात संघटनेच्या तालुका अध्यक्षपदी अशोक पाटील यांची पुनश्च फेरनिवड आली तर संघटनेच्या तालुका उपाध्यक्षपदी प्रफुल्ला चौधरी यांची निवड करण्यात आली आहे. अशी माहिती रविवारी २ जानेवारी दुपारी संघटनेचे अध्यक्ष ज्ञानेश्वर महाजन यांनी दिली.
यावल येथील शेतकरी सहकारी खरेदी विक्री संघाच्या सभागृहात शनिवार १ जानेवारी २०२२ शनिवार रोजी दुपारी पोलिस पाटील संघटनेची बैठक घेण्यात आली याप्रसंगी खान्देश विभागीय अध्यक्ष ज्ञानेश्र्वर महाजन, प्रमुख पाहुणे म्हणुन जिल्हा परिषदचे गटनेते प्रभाकर सोनवणे, पोलीस उपनिरिक्षक जितेन्द्र खैरनार, खरेदी विक्री संघाचे चेअरमन अमोल भिरूड, यावल पोलीस स्टेशनचे सहाय्यक फौजदार अजीज शेख व आदी पोलीस बांधव तसेच तालुक्यातील पोलीस पाटील महीला पोलीस पाटील व पत्रकारांच्या उपस्थित ही पोलीस पाटील संघटनेच्या नुतन कार्य कार्यकारणीची बैठक संपन्न झाली.
या बैठकीत पोलीस पाटील संघटनेच्या यावल तालुका अध्यक्षपदी पुनश्च फेरनिवड अशोक पाटील यांची, तालुका उपाध्यक्षपदी म्हैसवाडीच्या पोलीस पाटील प्रफुल्ला चौधरी यांची तर सचिवपदी सुरेश खैरनार यांची निवड करण्यात आली आहे. या बैठकीचे सुत्रसंचालन सुरेश खैरनार यांनी केले तर उपस्थितांचे परिचय ज्ञानेश्वर महाजन यांनी करून दिले.
या बैठकीत पोलीस उपनिरिक्षक जितेन्द्र खैरनार, प्रभाकर सोनवणे यांनी आपले मनोगत व्यक्त केले तर उपस्थितांचे आभार ज्ञानेश्वर महाजन यांनी मानले. यावेळी बैठकीत पोलीस पाटील संघटनेच्या नुतन पदाधिकाराऱ्यांचे स्वागत करण्यात आले.
