जळगाव : प्रतिनिधी
नशिराबाद येथील उड्डाणपुलाजवळ सोमवारी मध्यरात्री झालेल्या एका दुचाकीच्या अपघातात एक तरुण ठार झाला असून, दुसरा गंभीर जखमी झाला. नशिराबाद पोलिसात घटनेची नोंद करण्यात आली आहे.
मिळालेल्या माहितीनुसार, नीलेश गणेश सावंदे (वय ३१, रा. चिंचोली, ता. यावल ह. मु, तुरखेडा, ता जळगाव), असे मयत तरुणाचे नाव आहे. नीलेश सावंदे हा तुरखेडा येथे वीटभट्टीवर मजुरी करून परिवाराचा उदरनिर्वाह करीत होता. त्याच्या पश्चात आई, वडील, भाऊ, पत्नी, मुले असा परिवार आहे. सोमवारी रात्री तो मित्र प्रदीप पंडित (२९) याच्यासोबत चिंचोली येथून घरी तुरखेड्याकडे जात होता. नशिराबाद उड्डाणपुलाजवळ आले असताना त्याच्या दुचाकीचा अपघात झाला. प्रदीप पंडित याच्यावर खासगी रुग्णालयात उपचार सुरू आहे.
