यावल : प्रतिनिधी
शहरातील रेणुकादेवी मंदिर परिसरात राहणाऱ्या एका ४५ वर्षीय दिव्यांग इसमाने गळफास घेत आत्महत्या केल्याची घटना उघडीस आली. पोलिस ठाण्यात या घटनेची नोंद करण्यात आली आहे. या तरुणाचा मृतदेह अंत्यसंस्कारासाठी नेत असताना पोलिसांनी अंत्यसंस्कार थांबविले. त्याचा मृतदेह ग्रामीण रुग्णालयात आणण्यात आला आणि शवविच्छेदन करण्यात आले.
मिळालेल्या माहितीनुसार, रेणुकादेवी मंदिरजवळ बाळू लक्ष्मण वाणी (वय ४५) याने घरात गळफास घेतल्याचे समोर आले. मात्र, त्याच्यावर अंत्यविधी होण्याआधीच पोलिसांनी स्मशानात जाऊन हा अंत्यविधी थांबविला आणि मृतदेह ग्रामीण रुग्णालयात आणला व त्याच्यावर शवविच्छेदन करण्यात आले. या प्रकरणी नीलेश नारायण वाणी यांनी पोलिसात माहिती दिली. त्यानुसार, आकस्मिक मृत्यूची नोंद करण्यात आली आहे. तपास पोलिस उपनिरीक्षक सुनील मोरे करत आहेत. बाळू हा त्याच्या आई रेणुकादेवी यांच्यासोबत राहत होता.
