धरणगाव : प्रतिनिधी
धरणगाव तालुका काँग्रेसचे अध्यक्ष डॉ. व्ही. डी. पाटील यांनी धरणगाव येथील निवडणूक आचारसंहिता अंमलबजावणी अधिकारी धर्मेंद्र सूर्यवंशी यांची भेट घेऊन पंतप्रधान विश्वकर्मा योजनेबद्दल निवडणुकीच्या आदर्श आचारसंहितेचा भंग होत असल्याबद्दल तक्रार केली व तातडीने कारवाई करण्याची मागणी केली आहे.
सूक्ष्म, लघू व मध्यम उद्योग मंत्रालयाने पंतप्रधान विश्वकर्मा योजना लागू केली असून सध्या लोकसभा निवडणुकीची प्रक्रिया सुरू असतांना जनतेकडून सेतू सुविधा केंद्रावरून या योजनेअंतर्गत अवजारे खरेदीसाठीच्या नावाने पंधरा हजार रुपये मिळण्यासाठीचे अर्ज भरून घेतले जात आहेत. सरकारकडून पंधरा हजार रुपये मिळणार या आशेने जनतेने गावागावात सेतू सुविधा केंद्रावर गर्दी केली आहे. हे आदर्श आचारसंहितेचे सरळसरळ उल्लंघन असून मतदारांनी सत्तापक्षाला मत देण्यासाठी फसवणूक करण्याचा प्रकार असून आचारसंहिता लागू असतांना अत्यंत चुकीचे असल्याचे तक्रारीत म्हटले आहे. यावेळी सलिए बेलदार उपस्थित होते.
