जळगाव : प्रतिनिधी
धावत्या रेल्वेखाली आल्याने भादली येथील २७ वर्षीय तरुणाचा जागीच मृत्यू झाल्याची घटना नशिराबाद ते तरसोद फाट्याजवळ गुरुवारी सकाळी ५:३० वाजता उघडकीस आली. याप्रकरणी नशिराबाद पोलिस ठाण्यात अकस्मात मृत्यूची नोंद करण्याचे काम सुरू होते. देवेंद्र रामकृष्ण कोल्हे (वय २७ रा. भादली ता. जळगाव) असे मयत तरूणाचे नाव आहे.
मिळालेल्या माहितीनुसार, देवेंद्र कोल्हे हा तरूण आई, वडील, पत्नी आणि दोन मुलांसह भादली येथे वास्तव्याला होता. शेतीचे काम करून उदरनिर्वाह करीत होता. बुधवारी सायंकाळी ७ वाजता गावात जावून येतो असे सांगून देवेंद्र हा घरातून निघून गेला होता. धावत्या रेल्वेचा धक्का लागल्याने गुरुवारी सकाळी ५.३० वाजेच्या सुमारास नशिराबाद ते तरसोद रेल्वे फाट्यादरम्यानच्या रेल्वे रुळावर त्याचा मृतदेह आढळून आला. मयत तरूणाच्या पश्चात आई, वडील, पत्नी कोमल आणि दोन मुलं असा परिवार आहे.
