अमळनेर : प्रतिनिधी
तालुक्यातील एका गावात शेळी बांधण्यावरून काका व पुतण्यामध्ये हाणामारी झाल्याची घटना घडली असून, तिघांविरोधात विनयभंगाचा गुन्हा दाखल करण्यात आला आहे.
मिळालेल्या माहितीनुसार, तालुक्यातील एका गावात घडलेल्या घटनेबाबत सविस्तर माहिती अशी की, एक तरुण गुरांचा चारा घेऊन घरी आला असता कैलास पाटील यांच्या शेळीने तो चारा खाल्ला. या तरुणाने पाटील यांना शेळी बांधण्यास सांगितले. त्याचा राग येऊन कैलास पाटील यांनी या तरुणास त्याच्या बहिणींना मारहाण केली तसेच मारून टाकण्याची धमकी दिली. तरुणाचे आई-वडील हे संध्याकाळी शेतातून आल्यावर मुलांना झालेल्या मारहाणीचा जाब विचारायला गेल्यावर कैलास पाटील, त्यांची पत्नी रजूबाई व मुलगा उमेश यांनी आई-वडिलांनाही मारहाण केली. तसेच तरुणीचा विनयभंग करून अश्लील शिवीगाळ केल्याने तिघांविरोधात अमळनेर पोलिसांत गुन्हा दाखल करण्यात आला आहे. पुढील तपास पो.हे.कॉ. सुनील पाटील करीत आहेत.
