जळगाव : प्रतिनिधी
किरकोळ कारणावरून वाद होऊन एकनाथ वसंत खरसाने (५०, रा. समतानगर) यांच्यासह त्यांच्या मुलाला दोन जणांनी मारहाण केली. यावेळी लोखंडी सळईने वार करण्यात आल्याने दुखापत झाली. ही घटना रविवार, १७ मार्च रोजी समतानगर परिसरात घडली. याप्रकरणी मंगळवार, १९ मार्च रोजी रामानंदनगर पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, फळ विक्रेते असलेले एकनाथ खरसाने यांचा त्याच परिसरातील एकासोबत वाद झाला. त्यावरून खरसाने यांच्यासह त्यांच्या मुलाला दोन जणांनी मारहाण केली. तसेच हातावर लोखंडी सळईने वार केला. त्यामुळे त्यांना दुखापत झाली. याप्रकरणी खरसाने यांनी रामानंदनगर पोलिस ठाण्यात फिर्याद दिली. त्यावरून मारहाण करणाऱ्या दोघांविरुद्ध गुन्हा दाखल करण्यात आला आहे. या बाबत पुढील तपास पोलिस नाईक ज्ञानेश्वर पाटील करीत आहेत.
