जळगाव : प्रतिनिधी
हातात तलवार घेऊन कारमधून उतरणाऱ्या आदेश पांडुरंग सपकाळे (२७, रा. एसएमआयटी कॉलेजजवळ, म्हाडा कॉलनी) याला एमआयडीसी पोलिसांनी ताब्यात घेत तलवार व कार जप्त केली. ही कारवाई लक्ष्मीनगर परिसरात मंगळवार रोजी रात्री करण्यात आली.
मिळालेल्या माहितीनुसार, लक्ष्मीनगर परिसरात मंगळवारी मध्यरात्री साडेबारा वाजेच्या सुमारास एक जण हातात तलवार घेऊन दहशत पसरवत असल्याची माहिती एमआयडीसी पोलिस ठाण्याचे पोलिस निरीक्षक बबन आव्हाड यांना मिळाली त्यांनी कारवाईच्या सूचना दिल्या पोउनि दीपक जगदाळे, पोकों मुकेश पाटील, साईनाथ मुंढे, छगन तायडे हे लक्ष्मीनगरात पोहोचले. तेथे आदेश सपकाळे हा कारमधून (एमएच ०३ सीएम ०९५९) हातात तलवार घेऊन उतरताना दिसला. पथकाने त्याला ताब्यात घेत त्याच्याकडून तलवार क कार जप्त केली. पोकों नितीन ठाकूर यांनी एमआयडीसी पोलिस ठाण्यात फिर्याद दिली. सपकाळे याच्याविरुद्ध गुन्हा दाखल करण्यात आला आहे. पुढील तपास पोहेकॉ रामकृष्ण पाटील करीत आहेत.
