धुळे : वृत्तसंस्था
शहरातील एका तरुणाने तरुणीचा पाठलाग करीत विनयभंग केल्याची घटना घडली. तसेच तरुणीचे भावाच्या लग्नातील फोटो एडिट करून ते व्हायरल करण्याची धमकीही दिली. एकतर्फी प्रेमातून हा प्रकार घडला असून, पीडित तरुणीने धुळे शहर पोलिस ठाण्यात जळगाव येथील कल्पेश मुकेश पाटील (वय २४) या तरुणाविरुद्ध गुन्हा दाखल केला आहे. संशयित आरोपी हा पीडित तरुणीला ३ जुलै २०२२ पासून त्रास देत होता.
या कालावधीत त्याने शहरातील खांडलविप्र भवनाजवळ तरुणीला गाठून विनयभंग केला. त्यानंतर भावाच्या लग्नात काढलेले फोटो एडिट करून ते व्हायरल करण्याची धमकी दिली. या फिर्यादीवरून शहर पोलीस ठाण्यात भादंवि कलम ३५४-अ, ब आणि ड तसेच ५०६ अन्वये गुन्हा दाखल करण्यात आला.
