बोदवड : प्रतिनिधी
तालुक्यातील जामठीनजीक कुऱ्हा रस्त्यावर गुरे वाहून नेणारी तीन वाहने गोरक्षकांनी पकडली. यात नऊ बैल आहेत. पोलिसांनी वाहनासह चालकांना ताब्यात घेतले आहे. ही घटना गुरुवारी रात्री घडली.
मिळालेल्या माहितीनुसार, वाहनक्रमांक एम.एच. ०२ वाय ए ५८३२, वाहन क्रमांक एमपी ०७ जीए ४७७९ व अन्य एक वाहन अशा तीन गुरे वाहून नेत असल्याची माहिती गोरक्षकांना मिळाली त्यांनी जामठीनजीक कुन्हा रस्त्यावर ही वाहने अडविली. यामुळे एकच खळबळ उडाली, शेकडो गोरक्षक एकत्र आले होते. पोलिसांना माहिती मिळताच त्यांनी घटनास्थळी धाव घेतली. तीन वाहने व त्यामधील नऊ बैल पोलिसांनी ताब्यात घेतले आहेत. त्यांची गोशाळेत रवानगी केली जाणार असल्याचे पोलिसांनी यावेळी सांगितले
