जळगाव : प्रतिनिधी
मजुरी काम करुन घराकडे निघालेल्या दोन भावंडांना रिक्षातून आलेल्या दोघांन अडविले. तसेच त्यांना मारहाण करीत त्यांच्या खिशातून पाच हजार रुपये जबरीने काढून घेतल लुटले. ही घटना सोमवारी रात्री साडेबारावाजेच्या सुमारास शहरातील खेडी पेट्रोल पंपाजवळ घडली. याप्रकरणी एमआयडीसी पोलीस ठाण्यात दोन जणांविरोधात गुन्हा दाखल करण्यात आला आहे.\
मिळालेल्या माहितीनुसार, तालुक्यातील रायपुर येथील निलेश रामलाल शिलाले व त्याचा भाऊ शिवा रामालाल शिलाले है वास्तव्याला आहे. मजूरीचे काम करून ते आपला उदरनिर्वाह करतात. रविवार दि. १० मार्च रोजी रात्री साडेबारा वाजेच्या सुमारास निलेश आणि शिचा हे दोन्ही भाऊ घरी जाण्यासाठी निघाले असता, खेडी पेट्रोलपंपाजवळ एका रिक्षात आलेल्या दोनजणांनी त्यांचा रस्ता आडविला. दोन्ही भावांना मारहाण करत त्यांच्या जवळील ५ हजार रूपयांची रोकड लांबविली. हा प्रकार घडल्यानंतर दोन्ही भावांनी एमआयडीसी पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून सोमवारी सायंकाळी एमआयडीसी पोलीस ठाण्यात गुन्हा दाखल करण्यात आला आहे. पुढील तपास पोलीस उपनिरीक्षक निलेश गोसावी हे करीत आहे.
