जळगाव : प्रतिनिधी
शहरातील कासमवाडी परिसरातील गौरव भरत कुंवर (चय २४) या तरुणाला तिघांनी शिवीगाळ करीत बेदम मारहाण केली, तसेच यातील तरुणाने लोखंडी फायटर तोंडावर मारुन तरुणाला गंभीर जखमी केले. ही घटना दि. १० रोजी कासमवाडी परिसरातील कब्रस्तानच्या गेटजवळ घडली, याप्रकरणी एमआयडीसी पोलिसात गुन्हा दाखल करण्यात आला आहे.
मिळालेल्या माहितीनुसार, अष्टभुजा मंदिराजवळ गौरव भरत कुंवर हा तरुण वास्तव्यास आहे. दि. १० मार्च रोजी सकाळी साडेदहा वाजेच्या सुमारास तो कब्रस्तानच्या गेटजवळ गौरव कुंवर हा जात असतांना त्याला जयंत वाणी, लखा वाणी व विशाल साळुंखे सर्व रा, कासमवाडी गांनी शिवीगाळ करीत मारहाण करण्यास सुरुवात केली. या मारहाणीत विशाल साळुंखे वाने लोखंडी फायटर गौरवच्या तोंडावर मारुन त्याला गंभीर जखमी करुन ते तेथून पळून गेले. याप्रकरणी तिघांविरुद्ध एमआयडीसी पोलिसात गुन्हा दाखल करण्यात आला आहे. पुढील तपास सहाय्यक फौजदार राजेंद्र उगले हे करीत आहे.
