जळगाव : प्रतिनिधी
तालुक्यातील एका गावात राहणान्या १७ वर्षीय अल्पवयीन मुलीला अज्ञात व्यक्तीने फूस लावून पळवून नेल्याची घटना रविवार दि. १० मार्च रोजी दुपारी १२ वाजता घडली आहे, याप्रकरणी सोमवारी एमआयडीसी पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, जळगाव तालुक्यातील एका गावात १७ वर्षीय अल्पवयीन मुलगी ही आपल्या कुटुंबासह वास्तव्याला आहे. रविवार दि. १० मार्च रोजी पिडीत मुलगी ही घरी एकटी असतांना तिला अज्ञात व्यक्तीने काहीतरी आमिष दाखवत फूस लावून पळवून नेले. हा प्रकार तिच्या पालकांच्या लक्षात आल्यानंतर त्यांनी तिचा सर्वत्र शोध घेतला. परंतु तिच्या बाबत कोणतीही माहिती मिळाली नाही, अखेर सोमवार ११ मार्च रोजी दुपारी तिच्या नातेवाईकांनी एमआयडीसी पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून अज्ञात व्यक्तीविरोधात गुन्हा दाखल करण्यात आला आहे पुढील तपास सहाय्यक पोलीस निरीक्षक आसाराम मनोरे है करीत आहे.
