मेष
आजचा दिवस तुमच्यासाठी अत्यंत चांगला राहील. आज तुम्हाला मित्रांचं प्रचंड सहकार्य मिळेल. तुमच्या मित्र आणि सहकाऱ्यांचा विश्वास जिंकाल. सामाजिक क्षेत्रात कार्यरत असाल तर तुमच्या कार्याची कदर होईल. तुमचा आज मान सन्मान होईल. अध्यात्मिक कार्यातही तुम्ही भाग घ्याल. धार्मिक कार्यातही प्रतिष्ठा वाढेल. आर्थिक स्थितीत सुधारणा होईल. घरातील वातावरण आनंदी राहील.
वृषभ
आजच्या दिवशी जपून पावलं टाका. आवश्यक कामांचा निपटारा करा. महत्त्वाच्या कामांवर फोकस ठेवा. आजच्या दिवशी अनोळखी लोकांपासून सावध राहा. त्यांच्यावर पटकन विश्वास टाकू नका. जर तुम्ही आज प्रवास करणार असाल तर तुम्हाला अडचणी येतील. नव्या लोकांची ओळख होईल. विश्वासू लोकांचा सल्ला घेणं फायदेशीर ठरेल. आईवडिलांच्या आशीर्वादाने नवं घर किंवा दुकान खरेदी कराल.
मिथुन
आज तुम्हाला एकापाठोपाठ एक बातम्या ऐकायला येतील. यातील काही आनंदी वार्ता असतील. अपेक्षेपक्षा अधिक धन प्राप्ती झाल्याने तुम्ही प्रसन्न व्हाल. व्यापारात फायदा होईल. नोकरदार असाल तर आजचा दिवस तुमचाच समजा. तुमचा बॉस तुमच्या कामावर खूश होईल. दाम्पत्य जीवनातील संबंध अधिक मधूर होतील. जीवनसाथीसोबत प्रवासाचा योग संभवतो. विद्यार्थ्यांचा बौद्धिक आणि मानसिक तणाव दूर होईल.
कर्क
आजच्या दिवशी जपून पावलं टाकण्याचा आहे. कोणताही निर्णय घेताना घाई करू नका. विचार करूनच निर्णय घ्या. सावध राहा. आजच्या दिवशी कोणताही नकारात्मक विचार करू नका. नोकरीतील तुमचे प्रयत्न चांगले राहतील. तुमच्या मेहनतीच्या बळावर तुम्ही चांगलं यश मिळवाल. एखाद्या सरकारी योजनेचा लाभ मिळण्याची शक्यता आहे. तुमच्या कामाशी काम ठेवा. कोणत्याही प्रलोभनाला बळी पडू नका. कुणाच्याही तर्कवितर्कांना बळी पडू नका. कुणालाही मागितल्याशिवाय सल्ला देऊ नका. नाही तर अनर्थ घडेल.
सिंह
आज तुमच्या मनात प्रेम आणि मदतीची भावना जागृत होईल. वरिष्ठांचा सल्ला मानाल तर फायद्यात राहाल. आर्थिक अडचणी दूर होतील. कला आणि कौशल्याकडे आकर्षित व्हाल. प्रवासाचा योग आहे. आरोग्याची काळजी घ्या. मुलांवर नव्या जबाबदारी द्याल. मुलंही तुमच्या शब्दाचा मान ठेवतील. कुटुंबातून चांगली वार्ता ऐकायला मिळेल. जुन्या मित्राची अचानक भेट होईल. जुन्या आठवणींना उजाळा मिळेल.
कन्या
आजच्या दिवशी तुमचे नातेसंबंध अधिक दृढ होतील. नवीन घर किंवा वाहन खरेदी करण्याचा योग आहे. भौतिक विषयात रुची घ्याल. मात्र, अनावश्यक गोष्टीत लक्ष घालू नका, अडचणीत वाढ होईल. सरकारी नोकरीसाठी प्रयत्न करणाऱ्यांसाठी चांगली वार्ता ऐकायला येईल. कुणाकडून उधारी घेतली असेल तर उधारी वसूल होईल. पण नवीन उधारी देताना सावध राहा. लिखापढी करूनच व्यवहार करा, नाही तर नुकसान होण्याची शक्यता आहे.
तुळ
आजचा दिवस तुमच्यासाठी महत्त्वाचाच नाही तर खास असेल. सामाजिक कार्यात तुमचा फोकस राहील. अनेक कार्य तुमच्या हातून घडतील. उद्योग व्यवसायात बरकत येईल. नव्या व्यवसायाची सुरुवात कराल. नातेसंबंध अधिक दृढ होतील. तुम्ही कुणाला आश्वासन किंवा वचन दिलं असेल तर ती पूर्ण करा. रचनात्मक कार्यात भाग घ्याल. राजकीय क्षेत्रात असणाऱ्यांसाठी आजचा दिवस चांगला असेल.
वृश्चिक
आजच्या दिवशी तुमच्या उत्पन्नात वाढ होईल. तुमची वाणी आणि व्यवहार या दोन्ही गोष्टीवर ताबा ठेवा. वाणी आणि व्यवहारावरील ताबा सुटल्याने वाद होण्याची शक्यता आहे. कुटुंबातील सदस्यांसोबत सामंजस्याने वागा. घरातील शुभ कार्यामुळे पाहुणे येतील. घरचं शुभकार्य निर्विघ्न पार पडेल. आजच्या दिवशी भावनांवर नियंत्रण ठेवा. आज आणखी एखाद्या योजनेत सामील व्हाल. जीवनसाथी आणि मुलांची साथ मिळेल. आरोग्याला जपा.
धनु
प्रवासाचा योग आहे. पण दगदग टाळा. आजचा दिवस संमिश्र असा राहील. घरात आनंदाचे वातावरण असेल. रचनात्मक कार्यात भाग घ्याल. नातेवाईकांकडून धन लाभ होण्याची शक्यता आहे. आईवडिलांच्या आशीर्वादाने अनेक कामे मार्गी लागतील. मुलांची प्रगती होईल. विद्यार्थ्यांना अभ्यासात प्रगती जाणवेल. त्यांना त्यांच्या मेहनतीचं फळ मिळेल. कर्म केल्याशिवाय काहीच मिळत नाही, त्यामुळे कठोर मेहनत घ्या, यश मिळणारच.
मकर
आजचा दिवस सामान्य राहील. आज तुम्ही तणावमुक्त असाल. चांगली वार्ता ऐकायला मिळेल. जवळच्या व्यक्तीचा सल्ला कामाला येईल. कोणत्याही गोष्टीचा बजेट बनवाल तर चांगलं राहील. गुंतवणूक करताना सारासार विचार करा. पूर्ण विचाराअंतीच पावलं टाका. सतरा जणांचे सल्ले घेऊ नका. कुणावरही अधिक विश्वास ठेवू नका. विश्वासघात होण्याची शक्यता आहे.
कुंभ
आर्थिक घेवाणदेवाण करताना स्पष्टता ठेवा. व्यवसायासाठी आजचा दिवस चांगला राहील. आर्थिक वृद्धी होईल. सर्वांना सोबत घेऊन चालण्याने तुम्हाला फायदाच होणार आहे. अनेक संधी चालून येतील, योग्य संधींचा लाभ घ्या. बऱ्याच काळापासून रेंगाळलेली कामे मार्गी लागतील. विद्यार्थ्यांनी एखादी परीक्षा दिली असेल तर त्याचे चांगले निकाल येतील. प्रवासाचा योग संभवतो.
मीन
नोकरीचा शोध घेणाऱ्यांसाठी आजचा दिवस अत्यंत चांगला राहणार आहे. एकावेळी दोन नोकरीच्या ऑफर येण्याची शक्यता आहे. व्यापारात चांगला लाभ मिळेल. संपत्तीच्या प्रकरणात तुमच्या बाजूने निकाल येण्याची शक्यता आहे. घरातील कामकाजावर तुमचा पूर्ण फोकस असेल. गृहिणी आणि नोकरदार महिलांसाठी आजचा दिवस खास असेल. जुन्या मैत्रीणीची भेट होईल. घरी पाहुणे येतील, त्यामुळे दुपारनंतरचा दिवस आनंदी जाईल.
