लाईव्ह महाराष्ट्र न्यूज : रोहिणी खडसेंवर झालेल्या हल्ला हा शिवसेनेच्या पदाधिकाऱ्यांनी केल्याचं फुलाचा एकनाथराव खडसे यांच्या कन्या रोहिणी खडसे यांनी पत्रकार परिषदेत केला या हल्ल्यामध्ये बोदवड नगरपंचायतीपासून सुरू झालेल्या वादातून शिवसेनेच्या पदाधिकार्‍यांनी आपल्यावर हल्ला चढविला असल्याचा आरोप त्यांनी केला आहे.
जिल्हा बँकेच्या माजी अध्यक्षा व राष्ट्रवादी काँग्रेसचे नेते एकनाथ खडसे यांच्या कन्या रोहिणीताई खडसे यांच्यावर झालेल्या हल्ल्याचा थरारक घटनाक्रम आज मंगळवार २८ डिसेंबर आयोजित पत्रकार परिषदेत सांगितला. त्या म्हणाल्या की, मी सोमवारी २७ डिसेंबर रोजी रात्री साडेआठ वाजेच्या सुमारास मानेगाववरून मुक्ताईनगरकडे (एमएच १९ सीसी-१९१९) या क्रमांकाच्या कारने येत असताना अचानक त्यांच्या कारवर अज्ञात हल्लेखोरांनी हल्ला केला. कारमध्ये यावेळी त्यांच्यासह त्यांचे स्वीय सहाय्यक पांडुरंग नाफडे आणि गाडीचा चालक होता.
तीन दुचाकीवरून सात जण आले होते. यातील तीन जण शिवसेनेचे पदाधिकारी होते. शिवसेनेचे विधानसभा क्षेत्र प्रमुख सुनील पाटील तालुका अध्यक्ष छोटूभाई चांगदेव ग्रामपंचायतचे सदस्य पंकज कोळी हे त्या हल्ल्यात असल्याचे त्यांनी सांगितले यातील एकाच्या हातात पिस्तूल, एकाच्या हातात तलवार तर तिसऱ्याच्या हातात लोखंडी रॉड होता. त्यातील एकाने आमच्या कारमध्ये बसलेल्या बाजूने माझ्यावर पिस्तूल रोखले व कारचा दरवाजा उघडण्याचा प्रयत्न केला. मात्र दरवाजा उघडला नाही म्हणून हातात रॉड असलेल्या व्यक्तीने काचेवर जोराने हल्ला चढविला. हा हल्ला मला घाबरविण्यासाठी होता. मात्र मी घाबरणारी नाही. हल्ला केल्या नंतर थोड्या वेळातच संशयित हल्लेखोर घटनास्थळाहून पसार झाले. दरम्यान, बोदवड नगरपंचायतीपासून सुरू झालेल्या वादातून शिवसेनेच्या पदाधिकार्‍यांनी हा हल्ला केला असल्याच आरोप रोहिणी खडसे खेवलकर यांनी केला आहे.
याप्रकरणी मुक्ताईनगर पोलीस स्थानकात 307 चा गुन्हा दाखल करण्यात आला आहे
