प्रतिनिधी प्रविण पाटील : तालुक्यातील वसंतवाडी येथे उपसरपंच निवडणूक नुकतीच पार पडली उपसरपंच पदी सखुबाई पाटील यांची निवड बिनविरोध करण्यात आली.
वसंतवाडी येथे आज उपसरपंच निवडणूक सरपंच वत्सलाबाई पाटील यांच्या अध्यक्षतेखाली संपन्न झाली. यावेळी ग्रामसेवक बबन वाघ यांनी निवडणूक निर्णय अधिकारी म्हणून काम पाहिले या निवडीसाठी ग्रामपंचायत सदस्य प्रिती जगताप, अनिता चिमणकारे,अरुणा सोनवणे,भागवत पवार, सखुबाई पाटील,गजमल पवार व भिमराव निकम इत्यादी सदस्य हजर होते.निवडणूक कामी ग्रामपंचायत शिपाई रामेश्वर चव्हाण व कर्मचारी उमेश पाटील यांनी सहकार्य केले.
निवडीच्या वेळी एकमेव सखुबाई पाटील यांचा अर्ज आल्याने त्यांना बिनविरोध उपसरपंच घोषित करण्यात आले. उपसरपंच निवडणूक यशस्वी होण्यासाठी पॅनल प्रमुख आधार सुकदेव पाटील, भास्कर काशिदास सोनार, ज्ञानेश्वर भागचंद चव्हाण, संजय शंकर चिमणकारे यांनी मार्गदर्शन केले.
उपसरपंच सखुबाई पाटील यांचा सरपंच.वत्सलाबाई पाटील व ग्रामसेवक बबन वाघ यांनी शाल व पुष्पगुच्छ देवून सत्कार केला. यावेळी शुभेच्छा देण्यासाठी जळगाव तालुका संजय निराधार समितीचे अध्यक्ष रमेश पाटील, जळगाव तालुका आत्मा कमिटीचे अध्यक्ष पि.के.पाटील, जळके पोलिस पाटील संजय चिमणकारे, वसंतवाडी तंटामुक्त समितीचे अध्यक्ष ज्ञानेश्वर चव्हाण, जळके वि.का.सोसायटीचे माजी चेअरमन नेमीचंद जैन , जळके दुध उत्पादक सोसायटी माजी चेअरमन शिवाजी पाटील तसेच राष्ट्रवादी काँग्रेसचे स्वर्णकार समितीचे अध्यक्ष भास्कर सोनार तसेच एल.एच.पाटील पेट्रोल पंप व्यवस्थापन व तरूण नेतृत्व रविंद्र पाटील व सुनील पाटील जळके युवा नेता इत्यादी मान्यवर उपस्थित होते
