जळगाव : प्रतिनिधी
शहरातील एका परिसरात क्रिकेट खेळताना वाद होऊन वेदांत नरेश बागडे (वय १८) या तरुणाच्या डोक्यात लोखंडी सळई मारून दुखापत केली. या वेळी या तरुणाच्या चुलत भावालादेखील मारहाण करण्यात आली. ही घटना २१ फेब्रुवारी रोजी सोनी नगरात घडली. या प्रकरणी मारहाण करणाऱ्या दोन जणांविरुद्ध रामानंद नगर पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, सोनी नगरातील मैदानावर काही तरुण क्रिकेट खेळण्यावरून वाद उद्भवला व दोन जणांनी वेदांत बागडे याला मारहाण करत त्याच्या डोक्यात लोखंडी सळई मारली. त्यावेळी या तरुणाच्या चुलत भावालादेखील शिवीगाळ करत मारहाण केली. या प्रकरणी वेदांतने रामानंद नगर पोलिस ठाण्यात फिर्याद दिली. त्यावरून मारहाण करणाऱ्या दोघांविरुद्ध गुन्हा दाखल करण्यात आला आहे. पुढील तपास पोहेकॉ चंदूलाल पाटील करत आहेत.
