मुक्ताईनगर : प्रतिनिधी
तालुक्यातील पिंप्राळा शिवारातील धुपेश्वरनजीक पूर्णा नदी पात्रात एका अनोळखी इसमाचा मृतदेह सोमवारी आढळला, सकाळी नऊच्या सुमारास एका पुरुषाचे प्रेत नदीपात्रात तरंगत असल्याचे शेतकऱ्यास दिसल्याने परिसरात मोठी खळबळ माजली होती. त्याने याची माहिती पिंप्राळा येथील पोलिस पाटील महादेव झाल्टे यांना दिली. त्यांनी पोलिस दूर क्षेत्रास खबर दिल्यावरून पोलिसांनी घटनास्थळी येऊन मृतदेह नदीतून बाहेर काढला. घटनास्थळी शवविच्छेदन करून जागीच अंत्यसंस्कार केले.
मयताची ओळख पटली नसून, ५ फूट उंची, वय ४५ ते ५०च्या आसपास आणि अंगात काळ्या रंगाचे स्वेटर, राखाडी रंगाचा शर्ट व काळी पँट असे वर्णन आहे. ओळख पटविण्याचे आवाहन पोलिसांनी केले आहे.पुढील तपास सहायक पोलिस निरीक्षक संदीप दूनगहू करीत आहेत
