मुंबई : वृत्तसंस्था
देशातील सर्वच पक्षांनी आगामी लोकसभा निवडणुकीसाठी मोठी तयारी सुरु केली असतांना आता लवकरच लोकसभा निवडणुकांचं रणशिंग फुंकलं जाणार आहे. या निवडणुकीत जास्तीत जास्त जागांवर विजय मिळवण्यासाठी सर्वच पक्ष कामाला लागलेत. अशात शिवसेना ठाकरे गटाने लोकसभा निवडणूक समन्वयक यादी जाहीर केली आहे. यावेळी अनेक नवख्या चेहऱ्यांना संधी देण्यात आलीये.
मुख्यमंत्री एकनाथ शिंदे यांच्याबद्दल आक्षेपार्य वक्तव्य केल्याने अटक करण्यात आलेले मुंबईचे माजी महापौर आणि ठाकरे गटाचे उपनेते दत्ता दळवी यांचेही नाव समन्वयक यादीत आहे. दत्ता दळवी यांच्यावर ईशान्य मुंबई लोकसभा मतदार संघाची जबाबदारी देण्यात आलीये.
तर आमदार विलास पोतनीस यांच्यावर मुंबई उत्तर पश्चिम लोकसभा मतदार संघाची जबाबदारी देण्यात आली आहे. यासह माजी आमदार संजय कदम यांच्यावर रायगड लोकसभा मतदार संघाची जबाबदारी देण्यात आलीये.
लोकसभा निवडणुकींच्या पार्श्वभूमीवर शिवसेनेने मोर्चेबांधणीला सुरू केली आहे. शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांच्या आदेशाने लोकसभा निवडणूक समन्वयकांच्या नियुक्त्या जाहीर करण्यात आल्या आहेत.
लोकसभा समन्वयक पुढीलप्रमाणे
जळगाव : सुनील छबुलाल पाटील
बुलढाणा : राहुल चव्हाण
रामटेक : प्रकाश वाघ,
यवतमाळ : वाशीम – उद्धव कदम
हिंगोली : संजय कच्छवे
परभणी : शिवाजी चोथे, संतोष सांबरे
जालना : राजू पाटील
संभाजीनगर : प्रदीपकुमार खोपडे
नाशिक : सुरेश राणे
ठाणे : किशोर पोतदार, सुभाष म्हसकर
मुंबई उत्तर पश्चिम : विलास पोतनीस
मुंबई उत्तर पूर्व ( ईशान्य) : दत्ता दळवी
मुंबई दक्षिण मध्य : रवींद्र मिर्लेकर
मुंबई दक्षिण : सुधीर साळवी, सत्यवान उभे
रायगड : संजय कदम
मावळ : केसरीनाथ पाटील
धाराशीव : स्वप्नील कुंजीर
कोल्हापूर : सुनील वामन पाटील.
