जळगाव : प्रतिनिधी
दुचाकीला कट लागल्याच्या कारणावरून दोन गटांत वाद होऊन एकमेकांच्या दुचाकीचे दगड मारून नुकसान करण्यात आल्याची घटना १६ रोजी सुप्रीम कॉलनी परिसरात घडली. या प्रकरणी सात जणांविरुद्ध एमआयडीसी पोलिसात गुन्हा दाखल करण्यात आला आहे.
मिळालेल्या माहितीनुसार, सुप्रीम कॉलनीत दुचाकीला कट लागल्याच्या कारणावरून दोन गटांत वाद होऊन दगड मारून दोन दुचाकींचे नुकसान केले, या प्रकरणी पोकॉ. नरेंद्र मोरे यांनी एमआयडीसी पोलिस ठाण्यात फिर्याद दिली. त्यावरून दत्तात्रय शरद कोळी (१९), गोपाळ संभाजी पाटील (१९, दोघे रा.सुप्रीम कॉलनी), सचिन प्रभाकर सोनवणे (१८, रा. खूबचंद साहित्यानगर), राकेश कैलास पाटील (२३, रा. नितीन साहित्यानगर), सैय्यद अब्दुल रहिम अली मोहम्मद (२४, रा. मारुळ, ता.यावल), कैसीम शेख शाकीर शेख (२५, रा. नशेमन कॉलनी) या सहा जणांसह एक अल्पवयीन मुलगा अशा सात जणांविरुद्ध एमआयडीसी पोलिसात गुन्हा दाखल करण्यात आला आहे. पुढील तपास सहायक फौजदार अतुल वंजारी करीत आहेत
