चोपडा : प्रतिनिधी
शहरापासून जवळ असलेल्या गोरगावले बुद्रुक येथे दुचाकीवरून परत जाणारे आरोग्य कर्मचारी धर्मेंद्र विजय महाजन (५६) यांना मालवाहू वाहनाने धडक दिली. या अपघातात दुचाकीस्वार धर्मेंद्र महाजन यांचा जागीच मृत्यू झाला. ही घटना शुक्रवारी दुपारी १ वाजता खडगाव जवळ घडली.
मिळालेल्या माहितीनुसार, चोपडा येथून शासकीय कामे आटोपून परत गोरगावले प्राथमिक आरोग्य केंद्रात धर्मेंद्र महाजन हे जात होते. त्यावेळी हा अपघात झाला. मालवाहू वाहन ( क्रमांक एमएच १९-सीवाय ४८९८) याचा धक्का महाजन यांच्या दुचाकीला लागला. याबाबत जितेंद्र विजय महाजन (रा. चहार्डी, ता. चोपडा) यांच्या फिर्यादीवरून ग्रामीण पोलिस स्टेशनला मालवाहू वाहनाचा चालक जालिंदर मंगल पाटील (वय २९, रा. विरवाडे, ता. चोपडा) याच्याविरुद्ध गुन्हा दाखल करण्यात आला आहे. पुढील तपास सहायक पोलिस निरीक्षक शेषराव नितनवरे करीत आहेत.
