यावल : प्रतिनिधी
तालुक्यातील दहीगावातील यावल रस्त्यावरील बालाजी तोल काट्याच्या जवळ जुगार अड्यावर पोलिसांनी छापा टाकला. येथून समीर तडवी, समशेर तडवी, अमीर तडवी, संदीप पाटील, फारुख तडवी, अकील तडवी व संतोष कोळी या सात जणांना ताब्यात घेतले. त्यांच्याकडून सहा मोटारसायकली, रोख रक्कम, असा एकूण २ लाख १० हजार ४९० रुपयांचा मुद्देमाल हस्तगत करून त्याच्याविरुद्ध गुन्हा दाखल करण्यात आला आहे. ही कारवाई बुधवारी सायंकाळी केली.
मिळालेल्या माहितीनुसार, दहीगाव गावात मोरया हॉटेलच्या बाजूला अवैध देशी, विदेशी दारू विक्री करणाऱ्या संतोष कोळीकडून १९ हजार ९०० रुपयांचा मुद्देमाल हस्तगत करण्यात आला. दोन्ही कारवायांमध्ये २ लाख ३० हजार ३९० रुपयांचा मुद्देमाल हस्तगत करण्यात आला आहे. पोलिस अधीक्षक अन्नपूर्णा सिंग यांना मिळालेल्या माहितीवरून त्यांच्या पथकाने ही कारवाई केली. तपास सहायक पोलिस निरीक्षक हरीश भोये यांच्या मार्गदर्शनाखाली सुरु आहे.
