बोदवड : प्रतिनिधी
शहरातील एका मंगल कार्यालयाकडे पायी जाणाऱ्या वृद्ध दाम्पत्याकडून ९ हजार रुपये लांबवल्याची घटना दि.१२ रोजी घडली. या चोरट्याने वृद्धाला मामा म्हणत कार्यालयात सोडून देण्याचा बहाणा केला आणि रस्त्यात गाडी थांबवून त्यांच्याकडील रोकड हिसकावून नेली.
मिळालेल्या माहितीनुसार, रावेर तालुक्यातील हे वयोवृद्ध जोडपे मंगल कार्यालयाकडे जात होते. त्यात रस्त्यात त्यांना ३५ वर्षांच्या तरुणाने थांबवले आणि मामा, मी तुमचा भाचा आहे, अशी बतावणी केली आणि मंगल कार्यालयात सोडून देण्याचा बहाणा करून दुचाकीवर बसवले. काही अंतरावर एका निर्जन बोळीत थांबवून त्यांच्याकडील रोख रक्कम घेऊन पोबारा केला. दोघेही हताशपणे बसलेले पाहून एका व्यक्तीने चौकशी केली आणि त्यांना मंगल कार्यालयात पोहचवले. लग्नाच्या दिवशी संबंधितांनी पोलिसात तक्रार देणे टाळले.
