मुंबई : वृत्तसंस्था
राज्यातील कॉंग्रेसचे नेते अशोक चव्हाण हे भाजपमध्ये प्रवेश करणार याची चर्चा गेल्या काही वर्षापासून होती, मात्र आज हा पक्ष प्रवेश सोहळा उपमुख्यमंत्री फडणवीस यांच्या उपस्थिती मोठ्या उत्साहात झाला आहे.
यावेळी त्यांनी काँग्रेस पक्ष सोडण्याचा निर्णय, आपला वैयक्तिक निर्णय असून काँग्रेसच्या कोणत्याही नेत्यावर टीका किंवा आरोप करण्याचं त्यांनी टाळलं आहे. काँग्रेस पक्ष सोडण्याचा निर्णय सोपा नव्हता. त्यासाठी खूप विचार केला. काही गोष्टी चांगल्या होत आहेत तर त्यात आपला पण वाटा हवा ही भावना आहे. काँग्रेस पक्षाने मला खूप काही दिलं तसच मी पण पक्षासाठी खुप काही योगदान दिलं आहे. अचानक माझ्यावर काही आरोप करत असेल तर ते बरोबर नसल्याचं ते म्हणाले.
