जळगाव : प्रतिनिधी
बुलढाणा जिल्ह्यात सोनसाखळी लांबविणाऱ्या चोरट्याला सोमवारी दुपारी १ वाजता एमआयडीसी पोलिसांनी सुप्रीम कॉलनी परिसरातून अटक केली आहे. प्रशांत उर्फ चोर बाप्या पंडित साबळे (वय-३१, रा. सुप्रीम कॉलनी जळगाव) असे अटक केलेल्या संशयित आरोपीचे नाव आहे.
मिळालेल्या माहितीनुसार, सुभाषराव खैरे (वय-६५) या वृद्ध महिलेची रविवारी सकाळी ११ वाजता खामगाव शहरात पायी जात असताना दोन चोरट्यांनी दुचाकीवर येऊन त्यांच्या गळ्यातील २० हजार रुपये किमतीची सोन्याची चेन धूमस्टाईल लांबवल्याची घटना घडली होती. या संदर्भात खामगाव येथे गुन्हा दाखल करण्यात आला होता. त्यानुसार बुलढाणा पोलीस ठाण्याचे पोलीस हेडकॉन्स्टेबल नीलसिंग चव्हाण यांच्यासह एमआयडीसी पोलीस ठाण्याच्या पथकाने कारवाई करत संशयित आरोपी प्रशांत साबळे याला अटक केली आहे.
ही सोन्याची चेन लांबविणाऱ्या संशयित आरोपी प्रशांत उर्फ चोर बाप्या पंडित साबळे हा सुप्रीम कॉलनीत असल्याची गोपनीय माहिती एमआयडीसी पोलीस ठाण्याचे पोलीस निरीक्षक बबन आव्हाड यांना मिळाली. त्यांनी पथकाला कारवाई करण्याच्या सूचना दिल्या.
