जळगाव : प्रतिनिधी
शहरातील तांबापुरा परिसरातील खदानीजवळ चॉपर घेऊन दहशत माजविणाऱ्या दोघांपैकी पळून गेलेल्या मोहम्मद शोएब शेख सलीम उर्फ रफत हा शहरात येताच सोमवार, दि. ५ फेब्रुवारी रोजी एमआयडीसी पोलिसांनी त्याच्या तांबापुरा परिसरातून मुसक्या आवळल्या.
मिळालेल्या माहितीनुसार, एमआयडीसी पोलिसांनी रईस शेख रशिद याला चॉपरसह ताब्यात घेतले होते. त्याचा साथीदार मोहम्मद शोएब शेख हा फरार झाला होता. तो सोमवार, दि. ५ फेब्रुवारी रोजी तांबापुरा परिसरात आला असल्याची माहिती पोलिस निरीक्षक बबन आव्हाड यांना मिळाली. सहायक फौजदार अतुल वंजारी, पोलिस नाईक सचिन पाटील, किशोर पाटील, ललित नारखेडे यांनी पहाटे ५ वाजेच्या सुमारास मोहम्मद शोएब शेख सलीम उर्फ रफत याला अटक केली. रफत हा रेकॉर्डवरील गुन्हेगार असून याच्यावर गंभीर गुन्हे दाखल आहेत.
