भडगाव : प्रतिनिधी
मालवाहतूक वाहन अमळनेर तालुक्यातील बेटावद गावानजीक उलटल्याने गाडीतील दोनजण जखमी झाले आहेत तर गाडीचे मोठ्या प्रमाणावर नुकसान झाले आहे.
मिळालेल्या माहितीनुसार, कजगाव येथील रहिवासी सुरेश चिंधा मांडोळे व संजय किसन मोरे हे आयशर गाडीने (एम.एच.१९/झेड५५६८) कजगाव येथून कापूस भरून सकाळच्या सुमारास गुजरातला जाण्यासाठी निघाले. मात्ररस्त्यातच चालकाचे गाडीवरील नियंत्रण सुटल्याने गाडी अमळनेर तालुक्यातील बेटावद गावानजीक उलटली, यात गाडीतील दोघांना मोठ्या प्रमाणावर दुखापत झाली आहे. सुदैवाने जीवितहानी झाली नाही. गाडीचे मात्र मोठ्या प्रमाणावर नुकसान झाले आहे. यावेळी बेटावद व त्या परिसरातील नागरिकांनी व वाहनधारकांनी जखमी दोघांना अपघातग्रस्त गाडीतून बाहेर काढले व रुग्णालयात दाखल केले.
