लाईव्ह महाराष्ट्र न्यूज। धरणगाव येथून जवळ असलेल्या बांभोरी येथून डिझेल घेवून घरी जाणाऱ्या तरूणाच्या दुचाकीला अज्ञात वाहनाने जोरदार धडक दिल्याची घटना आज दुपारी घडली. यात दुचाकीस्वार जागीच ठार झाला आहे.
योगेश मराठे (वय-१९) रा. बोरगाव ता. धरणगाव असे मयत तरूणाचे नाव आहे
याबाबत माहिती अशी की, योगेश मराठे हा तरूण (एमएच १९ डीयू ५३७९) क्रमांकाच्या दुचाकीने गावापासून जवळ असलेल्या बांभोरी येथे डिझेल घेण्यासाठी आला होती. दुपारी ३ वाजेच्या सुमारास डिझेल घेवून परत गावाकडे जात असतांना समोरून अज्ञात वाहनाने जोरदार धडक दिल्याने योगेश मराठे हा जागीच ठार झाला आहे. घटनेची माहिती मिळाला धरणगाव पोलीस ठाण्याचे पोलिस निरीक्षक शंकर शेळके, गोपनीय विभागाचे मिलिंद सोनार,विनोद संदाशिव, विजय धनगर, खुशाल पाटील यांनी घटनास्थळी धाव घेतली आहे. मृतदेह धरणगाव ग्रामीण रूग्णालयात आणण्यात आला आहे.
