जळगाव : प्रतिनिधी
हरिविठ्ठलनगर भागातील रहिवासी असलेल्या गोपाल राजू भोई (वय ३२) या युवकाचा बुधवारी रात्री वर्धमान शाळेजवळ रेल्वेच्या धक्क्याने मृत्यू झाल्याची घटना गुरुवारी सकाळी ६:३० वाजेच्या सुमारास उघडकीस आली. या प्रकरणी तालुका पोलिस स्टेशनमध्ये अकस्मात मृत्यूची नोंद करण्यात आली आहे.
मिळालेल्या माहितीनुसार, हरिविठ्ठलनगर भागात गोपाल राजू भोई हा युवक आपले दोन भाऊ व आईसमवेत वास्तव्यास होता. तसेच ठेकेदारीचा व्यवसाय करत होता. बुधवारी रात्री जेवण करून घराबाहेर निघाला होता. गुरुवारी सकाळी ६:३० वाजेच्या सुमारास गोपालचा मृतदेह सावखेडा शिवारातील रेल्वेलाइनलगत आढळून आला. पोलिसांना आधार कार्डद्वारे गोपालची ओळख कळली. या ठिकाणी गोपालची दुचाकीदेखील आढळून आली. पोलिसांनी पंचनामा करून गोपालचा मृतदेह जिल्हा शासकीय वैद्यकीय महाविद्यालय व रुग्णालय येथे आणला. गोपालच्या मित्रांनी घातपाताचा संशय व्यक्त केला आहे. प्राथमिक तपास तालुका पोलिस स्टेशनचे अनिल फेगडे व अनिल मोरे यांनी केला.
