यावल : प्रतिनिधी
तालुक्यातील मनवेल येथील माहेर असलेल्या पुष्पा जितेंद्र कोळी (वय २५) या विवाहितेने गळफास घेवून आपली जीवनयात्रा संपवली. ही घटना सोमवारी रात्रीच्या सुमारास उघडकीस आली. विवाहितेच्या आत्महत्येचे कारण अद्याप अस्पष्ट असून याप्रकरणी यावल पोलिसात अकस्मात मृत्यूची नोंद करण्यात आली आहे.
मिळालेल्या माहितीनुसार, यावल तालुक्यातील मनवेल येथील माहेर असलेल्या पुष्पा कोळी यांचा तीन वर्षापुर्वी घटस्फोट झाला होता. त्यामुळे त्या आपल्या आई-वडीलांसोबतच वास्तव्यास होत्या. सोमवार रात्री ९ वाजेच्या सुमारास त्यांनी घरातील छताच्या लाकडाला गळफास घेत आपली जीवनयात्रा संपवली. ही घटना विवाहितेच्या कुटुंबियांच्या लक्षात येताच, त्यांनी लागलीच विवाहितेला यावल ग्रामीण रुग्णालयात दाखल केले. याठिकाणी वैद्यकीय अधिकाऱ्यांनी तपासणी करुन विवाहितेला मृत घोषीत केले.
याप्रकरणी यावल पोलीस ठाण्यात अकस्मात मृत्यूची नोंद करण्यात आली आहे. विवाहितेने आत्महत्या का केली, याचे कारण अद्याप अस्पष्ट असून तपास पोलीस निरिक्षक राकेश मानगावकर यांच्या मार्गदर्शनात पोलीस हेड कॉस्टेबल सिकंदर तडवी करत आहेत. कुटूंबियांचा आक्रोश दरम्यान विवाहितेला डॉक्टरांनी मयत घोषित करताच विवाहितेच्या कुटूंबियांनी रुग्णालयातच हंबरडा फोडीत मन हेलावणारा आक्रोश केला.
