जळगाव : प्रतिनिधी
जळगाव शहरातील एका परिसरात सकाळी १० वाजेच्या सुमारास आईला शिवीगाळ केल्याचा जाब विचारणाऱ्या तरुणाला धारदार शस्त्राने वार करून गंभीर दुखापत केल्याची घटना बुधवारी १७ जानेवारी रोजी घडली आहे. याप्रकरणी रामानंदनगर पोलिस ठाण्यात एकाविरोधात गुन्हा दाखल करण्यात आला आहे.
मिळालेल्या माहितीनुसार, पिंप्राळा हुडको परिसरात अमोल चंद्रकांत आराक (वय ३४) हा तरुण आपल्या परिवारासह वास्तव्याला आहे. त्याच परिसरात ललीत ऊर्फ लल्या संतोष वाघ (रा. पिंप्राळा) याने अमोल आराकच्या आईला शिवीगाळ केली होती. आईला शिवीगाळ का केली, असा जाब अमोलने विचारला. याचा राग आल्याने ललीत वाघ याने शिवीगाळ करून धारदार शस्त्राने वार करून गंभीर दुखापत केली. याबाबत संशयित आरोपी ललीत वाघ याच्याविरोधात रामानंदनगर पोलिस ठाण्यात गुन्हा दाखल करण्यात आला आहे. पुढील तपास पोहेकॉ राजेश चव्हाण करीत आहेत
