भुसावळ : प्रतिनिधी
दुचाकी घसरून झालेल्या अपघातात डोक्याला गंभीर दुखापत होवून मनोज अशोक नाथ (वय 33, रा. – रामपेठ, वरणगाव) या तरुणाचा मृत्यू झाला. ही घटना सोमवार दि. १५ जानेवारी रोजी दुपारी चार वाजेच्या सुमारास घडली. याप्रकरणी पोलीसात अकस्मात मृत्यूची नोंद करण्यात आली आहे.
मिळालेल्या माहितीनुसार, भुसावळ तालुक्यातील वरणगाव शहरातील रामपेठ परिसरात मनोज नाथ हा तरुण आपल्या परिवारासह वास्तव्याला होता. सोमवार दि. १५ जानेवारी – रोजी दुपारी मनोज हा दुचाकीने – वेल्हाळे येथून घरी जाण्यासाठी निघालेला होता. विल्हाळे ते वरणगाव रस्त्यावर त्यांची – दुचाकी अचानक घसरली. या अपघातात मनोज नाथ यांच्या डोक्याला गंभीर दुखापत झाली होती. दरम्यान, रस्त्यावरील ग्रामस्थांनी धाव घेवून त्याला खाजगी वाहनाने वरणगाव ग्रामीण रुग्णालयात दाखल केले. वैद्यकीय अधिकारी यांनी तपासणी करीत मनोज यांना मयत घोषीत केले. यावेळी रुग्णालयात नातेवाईकांनी मोठया प्रमाणात गर्दी केली होती. स्वतःचा दुचाकी अपघातात मृत्यू झाल्याप्रकरणी मनोज नाथ यांच्या वडीलांनी दिलेल्या फिर्यादीवरुन दुचाकीस्वाराविरोधात वरणगाव पोलिसात अपघाताचा गुन्हा दाखल करण्यात आला. तपास सहाय्यक निरीक्षक भरत चौधरी यांच्या मार्गदर्शनाखाली पोलिस उपनिरीक्षक किशोर पाटील करीत आहे.
