यावल : प्रतिनिधी
जळगाव जिल्ह्यातील चाळीसगाव तालुक्यात एका तरुण पोलिसाच्या खुनाची बातमी ताजी असतांना यावल तालुक्यात देखील एका बापाचा खून केल्याची धक्कादायक घटना उघडकीस आली आहे. माझे लग्न करून द्या अशी मागणी करत करत असलेल्या वृद्ध वडिलांना स्वतःच्या मुलाने रागात येउन कुऱ्हाडीने वार करत हत्या केली आहे. याप्रकरणी पोलिसांनी संशयिताला अटक केली आहे. यावल पोलीस ठाण्यात गुन्हा दाखल करण्यात आला आहे. रत्न तानसिंग कोळी (वय-७३ रा. पिळोदा ता. यावल) असे मृत वृद्धाचे नाव आहे.
मिळालेल्या माहितीनुसार, यावल तालुक्यातील पिळोदा येथे रतन कोळी व त्याची पत्नी शुबाबाई कोळी आणि मुलगा देवानंद कोळी यांच्यासोबत वास्तव्यास असून ते नेहमीप्रमाणे रविवारी १४ जानेवारी रोजी रात्री ११ च्या सुमारास झोपलेले असतांना, मुलगा देवानंद कोळी याने माझे लग्न लावून द्या म्हणत वाद घालण्यास सुरुवात केली. वडिलांनी याकडे दुर्लक्ष केले असता, याचा राग डोक्यात घालत आरोपीने झोपलेल्या वृद्ध पित्यावर कुऱ्हाडीने वार करत निर्घृण हत्या केली. या घटनेने गावात खळबळ उडाली. यावेळी पतीचा खून झालेला पांगून पत्नी शुबाबाई यांनी एकाच आक्रोश केला. पोलीस कर्मचारी घटनास्थळी दाखल झाल्यानंतर आरोपी देवानंद कोळी याला अटक करण्यात आली.
रतन कोळी यांचे यावल ग्रामीण रुग्णालयात शवविच्छेदन करून मृतदेह नातेवाईकांच्या ताब्यात देण्यात आला. याप्रकरणी शबाबाई कोळी यांनी दिलेल्या फिर्यादीवरून आरोपी मुलगा देवानंद कोळी याच्या विरोधात यावल पोलीस ठाण्यात गुन्हा दाखल करण्यात आला आहे. पिळोदा गावात घटनास्थळी फैजपुरच्या डीवायएसपी अन्नपुर्णा सिंह यांच्यासह पोलिस निरिक्षक राकेश मानगावकर व यावल पोलीस पथकाने भेट दिली, पुढील चौकशीला सुरूवात करण्यात आली आहे.
