फैजपूर : प्रतिनिधी
रस्त्यावर उभ्या असलेल्या ट्रकवर आढळून एक दुचाकीस्वार ठार झाल्याची घटना दि. १२ रोजी रात्री १० वाजेच्या दरम्यान घडली. हा अपघात भुसावळ – पाडळसा रोडवर घडला. या अपघातात राजेंद्र कडू बाविस्कर (वय ४७) यांचा दुर्देवी मृत्यू झाला आहे.
मिळालेल्या माहितीनुसार, ट्रकचे डिझेल संपल्याने ट्रकचालक शेख शरीफ शेख सखावत (फैजपूर) ट्रकचे (क्र. आरजे ११ जीए ६३०२) तो रस्त्यातच उभा केला. यावेळी त्याने इंडिकेटर अथवा रिफ्लेक्टर ट्रकला लावले नव्हते. याच दरम्यान, राजेंद्र बाविस्कर भुसावळकडून पाडळसा येथे मोटारसायकलने येत असताना त्यांची मोटारसायकल ट्रकच्या मागील बाजूस आदळली. या अपघातात ते ठार झाले. याप्रकरणी पोलिसात माणिक रामा तायडे यांनी फिर्याद दिल्यावरून गुन्हा दाखल करण्यात आला आहे. तपास सपोनि नीलेश वाघ, हे.कॉ. प्रभाकर चौधरी करीत आहे. या घटनेमुळे पाडळसा येथे हळहळ व्यक्त होत आहे.
