चाळीसगाव : प्रतिनिधी
शहरातील धुळे रोडवरील पुन्शी पेट्रोलपंपासमोर आपसातील भांडण मिटविण्यासाठी मध्यस्थी केल्याप्रकरणी प्रवीण विलास गोत्रे व मच्छिंद्र गोत्रे यांना चाकूने मारहाण करून जिवे ठार मारण्याची धमकी दिली. याप्रकरणी दोघांविरुद्ध शहर पोलिसात गुन्हा दाखल झाला आहे.
मिळालेल्या माहितीनुसार, या प्रकरणातील आरोपी विसपुते (३५) याने मच्छिंद्र गोत्रे यांच्या छातीला चावा घेतला. धनंजय विसपुते (४०) याने प्रवीण गोत्रे यांच्या पोटात चाकूने घाव घातला. या घटनेत हे दोघेही जखमी झाले आहेत. प्रवीण गोत्रे यांच्या फिर्यादीवरून धनंजय विसपुते व पवन विसपुते या दोघांविरोधात गुन्हा दाखल आहे. तपास पोलिस निरीक्षक संदीप पाटील यांच्या मार्गदर्शनाखाली सहाय्यक पोलिस निरीक्षक दीपक बिरारी करीत आहेत.
