कोल्हापूर : वृत्तसंस्था
राज्यातील महामार्गावर नियमित अपघाताच्या घटना घडत असतांना याचा फटका आता शिंदे गटाच्या मंत्र्यांना बसला आहे. राज्याचे आरोग्यमंत्री तानाजी सावंत यांच्या गाडीचा भीषण अपघात झाल्याची बातमी समोर येत आहे. त्यांच्या ताफ्यातील कारचा अपघात झाल्याचं सांगण्यात येत आहे. दोन गाड्या एकमेकाला धडकल्याने हा अपघात झाल्याची प्राथमिक माहिती आहे.
मिळालेल्या माहितीनुसार, कोल्हापूरहून ज्योतिबाला जात असताना तानाजी सावंत यांच्या ताफ्यातील कारचा अपघात झाला आहे. पन्हाळा मार्गावर राजपूत वाडी येथे हा अपघात झाल्याची माहिती मिळत आहे. यात एक जण जखमी झाला आहे.
