अमळनेर : प्रतिनिधी
गेल्या दोन वर्षापासून ओळखीचे रुपांतर ६ महिन्यापासून २९ वर्षीय प्राध्यापिक तरुणीला वारंवार लग्नाचे आमिष देत विविध ठिकाणी अत्याचार तर लग्न करण्यासाठी पळून जात असतांना एका ठिकाणी तरुणीला सोडून प्रियकर पसार झाला आहे. हि घटना अमळनेर तालुक्यात घडली असून या प्रकरणी अमळनेर पोलिसात एका विरोधात अत्याचाराचा गुन्हा दाखल करण्यात आला आहे.
मिळालेल्या माहितीनुसार, अमळनेर तालुक्यातील एका गावात २९ वर्षीय तरुणी प्राध्यापिका असून गेल्या दोन वर्षापासून एका २८ वर्षी तरूणासोबत ओळख होती. त्यातून यांचे प्रेम सुरु झाल्यानंतर गेल्या सहा महिन्यापासून २८ वर्षीय संशयित आरोपी प्राध्यापिका तरुणीला लग्नाचे आमिष देत अमळनेर शहरात विविध ठिकाणी शारिरीक संबध ठेवले होते. त्यानंतर १७ डिसेंबर रोजी प्रेयसीचा वाढदिवस असल्याने दोघांनी अमळनेर शहरात रात्री ८ वाजता वाढदिवस साजरा करून पळून जावून लग्न करण्याचे ठरविले व त्याप्रमाणे दि.१८ डिसेंबर रोजी सकाळी ९ वाजेच्या सुमारास अमळनेर शहरातून बाहेरगावी जाण्यासाठी निघाले. रात्री १० वाजेच्या सुमारास नंदुरबार जिल्ह्यातील धडगाव येथे संशयित आरोपीने रूमवर देखील तरुणीला लग्नाचे आमिष देत अत्याचार केला त्यानंतर तरुणाने लग्नास नकार देवून दुसऱ्या दिवशी दुपारच्या सुमारास एका हॉटेल जवळ एकटीला सोडून पसार झाला आहे. याप्रकरणी तरुणीने अमळनेर पोलिसात धाव घेत संशयित आरोपी विरोधात अत्याचार केल्याप्रकरणी गुन्हा दाखल केला आहे. पुढील तपास पोलीस उपनिरीक्षक भगवान शिरसाठ हे करीत आहेत.
