पाचोरा : प्रतिनिधी
शहरातील एका विवाहितेच्या घरात तिचा पती नसताना प्रवेश करत तिचा विनयभंग केल्याचा प्रकार उघडकीस आला आहे. पीडित विवाहितेच्या फिर्यादीवरून एकाविरुद्ध पाचोरा पोलिसांत गुन्हा नोंदविण्यात आला आहे.
मिळालेल्या माहितीनुसार, पाचोरा शहरात वास्तव्यास असलेल्या विवाहितेच्या घरी पती नसल्याची संधी साधत धनराज सोनार हा अनधिकृतपणे घरी आला. ‘तुझा पती मला खूप त्रास देतो. त्याला आता चांगला धडा शिकवतो. म्हणजे तो मला पुन्हा त्रास देणार नाही.’ असे सांगत विवाहीतेसोबत त्याने अश्लील वर्तन केले. पती तेवढ्यात घरी आला. पीडितेने पतीला हकीकत सांगितली.
पीडित विवाहितेच्या फिर्यादीवरून धनराज सोनार यांच्याविरुद्ध पाचोरा पोलिस ठाण्यात गुन्हा नोंदविण्यात आला असून या घटनेचा तपास पोलिस निरीक्षक राहुल खताळ यांच्या मार्गदर्शनाखाली पो. कॉ. विनोद पाटील हे करीत आहेत.
