बुलढाणा : वृत्तसंस्था
राज्यातील अनेक शहरात चोरी व दरोड्याच्या अनेक घटना घडत असतांना नुकतेच बुलढाणा जिल्ह्यातून देखील अशीच एक धक्कादायक घटना समोर आली आहे. मोताळा तालुक्यातील वाघजाळ या गावात सशस्त्र दरोडा पडला असून पती, पत्नीसह मुलाला मारहाण करत 2 लाखाचे सोने व 20 हजार रोख रक्कम घेऊन दरोडेखोर पसार झाले आहेत. या घटनेने परिसरात एकच खळबळ उडाली आहे.
मिळालेल्या माहितीनुसार, मोताळा तालुक्यातील वाघजाळ गावात शनिवारी मध्यरात्री सशस्त्र दरोडा पडल्याची घटना घडली. दरोडेखोरांनी पती, पत्नीसह मुलाला मारहाण करत 2 लाखाचे सोने व 20 हजारांचा ऐवज लुटला. मारहाणीमध्ये कुटुंबातील चौघेही गंभीर जखमी झाले आहेत. या भयंकर घटनेने परिसरात भितीचे वातावरण पसरले आहे. घटनेची माहिती मिळताच पोलीस फौजफाटा गावात दाखल झाला आहे. पोलीस या प्रकरणाचा अधिक तपास करत आहेत. पोलीस स्टेशनच्या जवळच असलेल्या गावात दरोडा पडल्याने परिसरात खळबळ उडाली आहे.
