जळगाव : प्रतिनिधी
कानळदा ते जळगाव रोडवर आव्हाणा फाट्याजवळ दि. १३ रोजी मध्यरात्री एक वाजण्याच्या सुमारास ट्रकमधून वाळूची अवैध वाहतूक करीत असताना तालुका पोलिस पथकास आढळून आले. यावेळी संशयित दोन्ही आरोपी पोलिसांना पाहून फरार झाले.
मिळालेल्या माहितीनुसार, गिरणा नदीपात्रातून अवैधरीत्या ट्रकमधून दोन ब्रास वाळूची वाहतूक करीत असताना पोलिस पथकाला दिसले, पथकाने त्यांचा पाठलाग केला असता कारचालक श्रीराम ज्ञानेश्वर चौधरी व ट्रकचालक (नाव माहीत नाही) फरार होण्यात यशस्वी ठरले. यावेळी ६ हजार रुपये किंमतीची वाळू, ५ लाखांचा ट्रक, ३ लाखांची कार हस्तगत करण्यात आली. तालुका पोलिसांत विविध कलमांन्वये पोलिस निरीक्षक महेश शर्मा यांच्या फिर्यादीवरून गुन्हा दाखल करण्यात आला आहे. तपास पोलीस उपनिरीक्षक गणेश मोहन सायकर हे करीत आहेत.
