जामनेर : प्रतिनिधी
छत्रपती संभाजीनगर येथे मध्य प्रदेशातून जाणाऱ्या गुटख्याची अवैध वाहतूक करणारा मालवाहतूक ट्रक छत्रपती संभाजीनगर राष्ट्रीय महामार्गावर पहूर पोलिसांनी ताब्यात घेतला आहे.
मिळालेल्या माहितीनुसार, वाहनासह ४५ लाखांचा ऐवज असल्याचे पोलिसांनी सांगितले आहे. रात्री उशिरापर्यंत कारवाई सत्र सुरू होते. चालकाला पोलिसांनी ताब्यात घेतले आहे. एच.आर.५५/डब्ल्यू ४९८० क्रमांकाच्या मालवाहू ट्रकमध्ये देवास, मध्य प्रदेश येथे माल भरण्यात आला. हा ट्रक मध्य प्रदेशातून पहूर मार्गान छत्रपती संभाजीनगरकडे जात होता. याची गोपनीय माहिती पोलिस निरीक्षक सचिन सानप यांना मिळाली. त्यानुसार पथकाने छत्रपती संभाजीनगर राष्ट्रीय महामार्गावर सापळा रचून मालवाहू ट्रक ताब्यात घेतला.
