जळगाव : प्रतिनिधी
अल्पवयीन मुलीला सुरत येथे पळवून नेत तिच्यावर अत्याचार करणाऱ्या समाधान लक्ष्मण सुरासे (वय २३, रा. बेटावद, ता. जामनेर) याला पोलिसांनी अटक केली. त्याला जिल्हा न्यायालयाने दि. ८ डिसेंबरपर्यंत पोलिस कोठडी सुनावली आहे.
जामनेर तालुक्यातील एका गावातील अल्पवयीन मुलीला अज्ञाताने पळवून नेल्याप्रकरणी जामनेर पोलिस ठाण्यात गुन्हा दाखल करण्यात आला होता. या गुन्ह्याचा तपास करीत असतांना ही मुलगी व समाधान लक्ष्मण सुरासे हे दि. ४ डिसेंबर रोजी सुरत येथे सापडले.
मुलीने जबाब दिला की, सुरत दोघांमध्ये शारीरिक संबंध झाले असून याप्रकरणी तरुणाविरुद्ध पोक्सो कायद्यांतर्गत कलम वाढविण्यात आले. त्याला ५ डिसेंबर रोजी न्यायालयात हजर केले असता जिल्हा व सत्र न्यायाधीश बी. एस. वावरे यांनी तरुणाला दि. ८ डिसेंबरपर्यंत पोलिस कोठडी सुनावली. सरकार पक्षातर्फे जिल्हा सरकारी वकील अॅड. सुरेंद्र काबरा यांनी काम पाहिले.
